اكاديميه القاهره الجديده للعلوم والفنون
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اكاديميه القاهره الجديده للعلوم والفنون

معلومات عن الأكاديمية. أكاديمية القاهرة للعلوم والفنون ..مجمع تعليمي متكامل. إن العلم من أهم دعائم نهضة الأمم وتطورها و المنشآت التعليمية المتميزة هي إحدى ...
 
الرئيسيةأحدث الصورالتسجيلدخول

 

 الجواب راح فين ..!

اذهب الى الأسفل 
3 مشترك
كاتب الموضوعرسالة
goody
المشرف
المشرف
goody


ذكر
عدد الرسائل : 129
العمر : 36
العمل/الترفيه : الملتقى الفكرى
المزاج : حبيب حر مش هايحب تانى
تاريخ التسجيل : 17/08/2007

الجواب راح فين ..! Empty
مُساهمةموضوع: الجواب راح فين ..!   الجواب راح فين ..! Icon_minitimeالسبت أغسطس 18, 2007 5:02 pm


الجواب راح فين ..!

عندما قرأت حملة كلمتنا أعجبتنى جدا وخصوصا أنى بدأت بنفسى من حوالى 10 سنين ، وأخترت لتجربتى ذلك العنوان ، لأنه سؤال محيرنى من 10 سنين وحتى الأن ..!


فى البداية وأنا صغير وبألعب مع أصحابى فى الشارع ليلا ، فجأنا بنور قوى جدا جاى من بعيد قولنا لنفسنا يمكن يكون فى فرح فى الشارع ، لكن ماكنش فى صوت أغانى ولا زغاريد ، كان هناك صوت ناس بتصرخ وزعيق ، ولأنى فضولى جريت بسرعة أشوف فى أية وفجأت بأن هناك حريق كبير فى أحد الأراضى الفارغة التى تحولت ألى مقلب زبالة ، والمشكلة الأكبر أنها كانت بين عمارتين ، والنار كانت عالية جدا والدخان كان كثيف وخنقنى ، المهم أن بعد عناء من الناس الحريق أنطفأت ، لكن المشكلة فى نظرى منطفأتش .
ظللت طوال الليل أفكر فيما حدث ، ورغم أن عمرى ساعتها كان حوالى 8 سنين إلا أنى قررت ما سكتش ، تانى يوم جمعت أصحابى وقلتلهم على فكرة وهى أننا نزرع المكان ده بدل ما كل يوم يتحرق ، لكن الأرض كان حوليها صور طوب وماكناش عرفين نعمل أيه ، يأسنا من أمكانية تنفيذ الفكرة ، لكنى بسرعة فكرت فى مكتب المحافظ ، لأنى كنت ساكن جانبه ، ذهبنا الى هناك وقررنا نقابل المحافظ ونقوله ، لكننا فجأنا بأن المكتب اللى مكتوب علية " مكتب المحافظ " مكتب موظف محصلش حتى النائب بتاعه وكمان المكتب مقفول ومحدش بيجى فيه ، وظل المكتب مقفول لمدة طويلة ويأسنا تانى ..
لكنى فكرت تانى بس المرة دى فكرتى كانت كبيرة شويه وهى أنى أبعت شكوة فى جواب ومعاها الفكرة بتاعتى ، وفعلا جبت الجواب وكتبته وحطيته فى الظرف ولسقت طابع البريد وكتبت عليه " الى السيد رئيس الوزراء : كمال الجنزورى " ...
قلبى وقع فى رجلى وأنا بحط الجواب فى صندوق البريد ، بس مش خوف بل لأنى كنت حاسس أنى عملت خطوة أيجابية للشارع بتاعى وأنى على طريقى لتنفيذ فكرتى ..
وفضلت أحلم بوصول جوابى ليه وأحكى للناس انى بعت الجواب وأن بكرة هيجينى الرد ويسبونى أزرع الأرض دى أو هما يزرعوها ، وكنت بلاقى فى عيون الناس نظرة أعجاب بية لكنا كانت معها نظرة مش فاهمها ، ومرت الأيام وأنا مستنى الرد على جوابى ، والأرض زى ماهيا مقلب زبالة وعمال يتحرق ، وبعد مده اتشال " الجنزورى " وجابوا واحد غيره ، والأرض فضلت زى ماهى لحد ماطلعلها صاحب وبناها وأنا كبرت وفهمت الناس كانت قصدها أيه بنظرتها ليا ، نظرة " ما فيش فايدة " ..
وصدفت حملة كلمتنا ، الحملة التى قررت أن أقوم بها فى جامعتى لتغير سلبياتها وكمان قررت أنى أدخل فى مشاكل المجتمع من حولى وألا أقف على عرضها فقط بل وطرح حلول لها أيضا ، المهم أن جملة " ما فيش فايدة " تختفى من حيتنا وكل واحد يقدر يعمل حاجة يعملها بجد طلما صح ، لأن المجتمع مش هيتغير غير بأدينا أحنا ، وقررت أنى عندما أيأس أتذكر ذلك الطفل الصغير الذى بعث بجواب لرئيس الوزراء حتى يغير ما حوله من سلبية ، لكنى حتى الأن هناك شئ يحيرنى وهو " الجواب اللى بعته راح فين " ..!! "مقال تم نشرة لى فى مجلة كلمتنا"


محمد عصمت
الرجوع الى أعلى الصفحة اذهب الى الأسفل
https://cairoacademy.ahlamontada.com
م احمد عيسي
المدير العام
م احمد عيسي


عدد الرسائل : 95
العمر : 37
العمل/الترفيه : الرسم والنت
المزاج : اللهم اجعلنا من عبادك الصاحين
ؤشهقخاوسمه : الجواب راح فين ..! Ebda4e_20
تاريخ التسجيل : 29/07/2007

الجواب راح فين ..! Empty
مُساهمةموضوع: رد: الجواب راح فين ..!   الجواب راح فين ..! Icon_minitimeالسبت أغسطس 18, 2007 10:42 pm

شكرا على هذا الموضوع المتميز فعلا ونتمنا لك التوفيق والنجاح
مع تحيات مدير المنتدىالجواب راح فين ..! Swahlcom_7140
الرجوع الى أعلى الصفحة اذهب الى الأسفل
https://cairoacademy.ahlamontada.com
نور الهدي

نور الهدي


انثى
عدد الرسائل : 137
العمر : 34
العمل/الترفيه : النت والقراءه
المزاج : لايهم العالم اذا كنت تبكي او تبتسم فابتسم افضل لك
تاريخ التسجيل : 30/07/2007

الجواب راح فين ..! Empty
مُساهمةموضوع: شكرا علي الموضوع الرائع   الجواب راح فين ..! Icon_minitimeالأحد أغسطس 19, 2007 1:13 am

بسم الله الرحمن الرحيم


شكرا علي الموضوع

الموضوع بجد فوق الممتاز

جزاك الله كل خير

نتمني المزيد من موضيعك الرائعه

تقبل مروري واحترامي

اختك نور الهدي
الرجوع الى أعلى الصفحة اذهب الى الأسفل
https://cairoacademy.ahlamontada.com
 
الجواب راح فين ..!
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
اكاديميه القاهره الجديده للعلوم والفنون :: الملتقى الفكرى :: صحافه-
انتقل الى: