اكاديميه القاهره الجديده للعلوم والفنون

معلومات عن الأكاديمية. أكاديمية القاهرة للعلوم والفنون ..مجمع تعليمي متكامل. إن العلم من أهم دعائم نهضة الأمم وتطورها و المنشآت التعليمية المتميزة هي إحدى ...
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 مختارات من رباعيات " صلاح جاهين "

اذهب الى الأسفل 
كاتب الموضوعرسالة
goody
المشرف
المشرف
avatar

ذكر
عدد الرسائل : 129
العمر : 30
العمل/الترفيه : الملتقى الفكرى
المزاج : حبيب حر مش هايحب تانى
تاريخ التسجيل : 17/08/2007

مُساهمةموضوع: مختارات من رباعيات " صلاح جاهين "   الأربعاء أغسطس 22, 2007 6:46 pm



خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت و الا الحياه ؟

عجبي !!!




ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!




ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش

عجبي !!




و الكون ده كيف موجود من غير حدود

و فيه عقارب ليه و تعابين ودود

عالم مجرب فات و قال سلامات

ده ياما فيه سؤالات من غير ردود

عجبي !!!




أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!




يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!

أحب أعيش ولو في الغابات

أصحي كما ولدتني أمي و ابات

طائر .. حوان.. حشرة .. بشر ..بس أعيش

محلا الحياة.. حتي في هيئة نبات

عجبي !!




سهير ليالي و ياما لفيت و طفت

و ف ليه راجع في الضلام قمت شفت

الخوف ... كأنه كلب سد الطريق

و كنت عاوز أقتله .. بس خفت

عجبي !!




كان فيه زمان سحليه طول فرسخين

كهفين عيونها و خشمها بربخين

ماتت لكين الرعب لم عمره مات

مع إنه فات بدل التاريخ تاريخين

عجبي !!




عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبي !!!




رقبه قزازة و قلبي فيها انحشر

شربت كاس و اتنين و خامس عشر

صاحبت ناس م الخمرة ترجع وحوش

و صاحبت ناس م الخمرة ترجع بشر

عجبي !!!




يا قرص شمس ما لهش قبة سما

يا ورد من غير أرض شب و نما

يا أي معني جميل سمعنا عليه

الخلق ليه عايشين حياه مؤلمة

عجبي !!!


[url=http://www.phroon.com][/url] اسم الراسل : صلاح جاهين

مع تحيات
goody I love you I love you I love you I love you
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://cairoacademy.ahlamontada.com
 
مختارات من رباعيات " صلاح جاهين "
الرجوع الى أعلى الصفحة 
صفحة 1 من اصل 1
 مواضيع مماثلة
-
» خالد بن الوليد"سيف الله المسلول"
» حصريا : الخطه الاولى " التطويق " من السلسله الوثائقيه الرائعه " الخطط الحربيه " مدبلجه الى العرييه بحجم 195 ميجا فقط
» حصريا::الحلقه الرائعه لفضيله الشيخ محمد حسان بعنوان " امانه الكلمه" من حلقات جبريل يسال والنبي يجيب :: تحميل مباشر علي اكثر من سيرفر
» تحميل سلسلة " كيف ولماذا " (( كيف أكون عبدا مخلصاً ؟ )) رائعه هامة جدا وبحجم خيالى
» " تأملات في سورة الكهف -1 " --------- للشيخ الدكتور : عصام العويد .

صلاحيات هذا المنتدى:لاتستطيع الرد على المواضيع في هذا المنتدى
اكاديميه القاهره الجديده للعلوم والفنون :: الملتقى الفكرى :: الشعر-
انتقل الى: