اكاديميه القاهره الجديده للعلوم والفنون
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اكاديميه القاهره الجديده للعلوم والفنون

معلومات عن الأكاديمية. أكاديمية القاهرة للعلوم والفنون ..مجمع تعليمي متكامل. إن العلم من أهم دعائم نهضة الأمم وتطورها و المنشآت التعليمية المتميزة هي إحدى ...
 
الرئيسيةأحدث الصورالتسجيلدخول

 

 نكت مية مية " يعنى هى جت عليا "

اذهب الى الأسفل 
2 مشترك
كاتب الموضوعرسالة
goody
المشرف
المشرف
goody


ذكر
عدد الرسائل : 129
العمر : 36
العمل/الترفيه : الملتقى الفكرى
المزاج : حبيب حر مش هايحب تانى
تاريخ التسجيل : 17/08/2007

نكت مية مية " يعنى هى جت عليا " Empty
مُساهمةموضوع: نكت مية مية " يعنى هى جت عليا "   نكت مية مية " يعنى هى جت عليا " Icon_minitimeالأربعاء أغسطس 22, 2007 6:24 pm


واحد مسطول ماشى فى الشارع لقى عمود نور مكتوب عليه شقة للايجار راح قعد يخبط على العمود لغاية لما جاله مسطول تانى قال له انت بتعمل ايه هنا قال له اصلى لقيت مكتوب شقة للايجار قمت قعدت اخبط بس محدش رد علىّ قام التانى قال له غريبة مع ان الجماعة منورين النور فوق



واحد غبى بيحلق دقنه التليفون رن ، عور نفسه عشان لما يرجع يعرف هو وقف لحد فين





واحد بيسال صاحبه هو ايه الفرق بين تجارة الحشيش وتجارة عين شمس ؟ قام صاحبه قال تجارة عين شمس 4 سنين انما تجارة الحشيش اقلها 25 سنة.


مسطول مزور ورقة بنكنوت انما 10/10 مع ذلك مسكوه ياترى ليه ؟ عشان كان مزور ورقة بستين جنيه



في واحد كريم انحرق بيته لما جت المطافي حلف عليهم ما يعملوا حاجه لحد ما يشربوا القهوة



تلميذ لزميله : هل الهند بعيدة ؟ الزميل : لا .. لا أظن ذلك .. ففي صفنا تلميذ هندي يأتي إلى المدرسة كل صباح على دراجته


واحد عصبي ضرسه وجعه راح للدكتور وقال له اخلع كل ضروسي وخليه زي الكـلب لوحده


جماعة محششين قاعدين في خيمة قالوا عايزين كبريت واحد منهم قال أنا اجيبلكم الكبريت طلع ودخل من الباب الثاني قال شباب ألاقى عندكم كبريت قالوله استريح لسه باعتين واحد أول لما يرجع نديلك .



واحد بخيل ضرب عياله؟ ليــه ..؟
لقاهم مشغلين المروحة على ثلاثة وهم اثنيين


اثنين مساطيل واحد قال تصدق بالي مشغول ،
قاله الثاني أكيد السماعه مرفوعه



ثلاثة فشارين راحوا فى الغابة علشان يصطادوا الأول قال هاصطاد أرنبين والثانى قال هاصطاد غزالين والثالث حب يوسعها وقال هاصطاد نمرين وراح كل واحد على اساس يصطاد اللى قال عليه الأول اصطاد الأرنبين والثانى الغزالين ولما جه الدور على الثالث شاف نمر وباين عليه جعان قام النمر جرى وراه وهو بيجرى عدا علي اصحابه قالهم امسكوه على بال ما اجيبلكوم الثانى ..



واحد بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها


واحد بخيل قال لابنه : إنجح السنة دي وانا أجبلك كورة .. الولد شد حيله ونجح .. أبوه إشترى له كورة .. وقال له : طب لو نجحت السنة الجاية أنفخها لك


واحد مسطول كان حيخبط واحدة بالعربية .
قالتله انت ماشفتنيش . قالها أيوه شفتك بس مش فاكر فين؟؟


. اثنين محششين قاعدين قدام مرايه الأول قال قوم نسلم على اللي قاعدين قدامنا ، ولما وقفوا قال الثاني اقعد اقعد هما جايين علينا .



ثلاثه صقور اتراهنوا على الصيد
راح الاول ورجع في منقاره دم قليل قال شفتو الشجره اللى هناك دى؟ قالوا أيوه قال اصطادت عندها أرنب
راح الثاني ورجع في منقاره دم كثير قال شفتو الصخره اللى هناك دى قالوا أيوه قال اصطادت عندها غزال
راح الثالث وهو أغبى واحد فيهم ورجع وكله دم قال شفتوا العمود اللى هناك ده قالوا أيوه قال أنا ما شفتهوش




ندل ابوه طرده اول ما خرج كتب على سور البيت
هنا مقر قيادة حركة طالبان


محشش بيسوق عربية ومعاه أبوه ، أبوه قاله : لف يمين .. المحشش قاله لف انت انا سايق



حكمة المحشش : العلم نور, والنور كهرباء , والكهرباء خطره . .... يبقى نتعلم ليييييييييييييييييييييه؟


قزم راح للترزى علشان يفصل جلابية وبعد ما أخذ الترزى مقاساته قاله القزم إمتى تخلص قاله الترزى خدلك لفه وتعال


واحد ماعندوش غير ضرسين قدم على وظيفه عينوه خرامه


واحد على فراش الموت قال لمراته إذا مت اتجوزى جارنا محمود قالت ليه قال لأنه مره باعلي بضاعة وغشني فيها....



واحدة اديت صاحبها بغبغاء هدية ثاني يوم سألته عن الببغاء؟؟؟ قالها عادي طعمه زى طعم الفراخ.


في واحد راح يغير أنبوبة بوتاجاز قال لامه ادعيلي قالته انشاله تنفتح فى وشك.

مع تحيات
goody I love you I love you I love you I love you
الرجوع الى أعلى الصفحة اذهب الى الأسفل
https://cairoacademy.ahlamontada.com
نور الهدي

نور الهدي


انثى
عدد الرسائل : 137
العمر : 34
العمل/الترفيه : النت والقراءه
المزاج : لايهم العالم اذا كنت تبكي او تبتسم فابتسم افضل لك
تاريخ التسجيل : 30/07/2007

نكت مية مية " يعنى هى جت عليا " Empty
مُساهمةموضوع: رد: نكت مية مية " يعنى هى جت عليا "   نكت مية مية " يعنى هى جت عليا " Icon_minitimeالأربعاء أغسطس 22, 2007 7:36 pm

ههههههههههههههههههههههههههههه
بجد النكت جميله وتموت من الضحك احنا علوزين اكتر من كده
ننتظر منك المزيد
الرجوع الى أعلى الصفحة اذهب الى الأسفل
https://cairoacademy.ahlamontada.com
 
نكت مية مية " يعنى هى جت عليا "
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
اكاديميه القاهره الجديده للعلوم والفنون :: الملتقى الترفيهى :: روشنه ميه ميه-
انتقل الى: